टेष्ट क्रिकेट : वेष्टइन्डिजमाथि इंग्ल्याण्डको जित
इन्भेष्टोपेपर । श्रायण १५, २०७७
इंग्ल्याण्डले वेष्टइन्डिज विरुद्धको तीन म्याचको टेष्ट श्रृखंला २–१ ले जितेको छ । तेस्रो, अन्तिम तथा निर्णायक टेष्ट खेलमा २६९ रनले हराएपछि घरेलु टोली इंग्ल्याण्डले वेष्टइन्डिज विरुद्धको श्रृखंला २–१ ले जितेको हो ।
पहिलो टेष्ट खेल वेष्टइन्डिजले र दोस्रो इंग्ल्याण्डले जितेको थियो । ओल्ड ट्राफोर्डमा इंग्ल्याण्डले प्रस्तुत गरेको ३९९ रनको लक्ष्य पछ्याउँदै वेष्टइन्डिजले पाँचौं तथा अन्तिम दिनको खेलमा मात्र १२९ रनमा समेटिएपछि वेष्टइन्डिजले श्रृखंला गुमाउनुपर्यो ।
वेष्टइन्डिजका लागि साइ होपले बनाउनुभएको ३१ रन नै सर्वाधिक व्यक्तिगत् योगफल रहन गयो । वेष्टइन्जिलाई झिनो योगफलमा समेटन इंग्ल्याण्डका तिब्र गतिका बलर क्रिस वोक्सले पाँच तथा स्टुअर्ट ब्रोडले चार विकेट लिनुभयो ।
इंग्ल्याण्डका बलर स्टुअर्ट ब्रोडले टेष्ट क्रिकेटमा आफ्नो ५०० औं विकेट पुरा गर्नुभएको छ । उहाँले वेष्टइन्डिज विरुद्धको तेस्रो तथा अन्तिम टेष्ट म्याचको क्रममा आफ्नो ५०० औं टेष्ट विकेट पुरा गर्नुभएको हो ।
