अनौठो परम्परा ! अर्काकी श्रीमती खोसेर विवाह
इन्भेष्टोपेपर । मंसिर ९, २०७८
पश्चिमी अफ्रिकाको बोदाब्बे जनजाति समुदायका मानिसहरुले अर्काकी श्रीमती खोसेर विवाह गर्ने परम्परा रहेकाे छ । उनीहरूले यस्ताे चलनलाई मान्दै आएका छन् ।
यो परम्परा उनीहरुको पहिचानसँग जोडिएको छ । परम्परा अनुसार युवतीको पहिलो विवाह घरका मानिसहरुले इच्छाअनुसार हुन्छ । तर, दोस्रो विवाहका लागि पहिले उनीहरुलाई कुनै पुरुषले खोसेर लैजानुपर्छ ।
यस क्षेत्रमा लाग्ने गेरेवोल मेलाका दौरान युवकहरू अनुहारमा विभिन्न रंग पोतेर आउँछन् र महिलाहरुलाई रिझाउँछन् । यसरी महिलाहरुलाई फकाइरहेका बेला उनीहरुका पतिले यो सबै देखेका छन् वा छैनन् भन्ने कुराको भने उनीहरुले हेक्का राखेका हुन्छन् ।
अर्थात्, पतिलाई पत्तो नै नदिई उनीहरुले महिलालाई फकाउँछन् । महिला राजी भएपछि उनीहरुलाई लिएर भाग्छन् । त्यसपछि समुदायकै मानिसहरुले उनीहरु विवाह गराइदिन्छन् । यस्तो खाले विवाहलाई यो समुदायले प्रेम विवाह भनेर स्विकार्ने गरेको हो।
— एजेन्सीकाे सहयाेगमा
