एनएमबि बैंकको साधारणसभा सम्पन्न : १५.८ प्रतिशत लाभांश पारित
इन्भेष्टोपेपर । पुष २३, २०७८
काठमाडौं । एनएमबि बैंकको वार्षिक साधारणसभा सम्पन्न भएकाे छ । पुस २२ गते सम्पन्न बैंकको वार्षिक साधारणसभाले प्रस्तावित १५.८ प्रतिशत लाभांश पारित गरेको हो ।
सभाले आर्थिक वर्ष २०७७/७८ को नाफाबाट सेयरधनीलाई चुक्ता पुँजीको १२.५० प्रतिशत बोनस र ३.३० प्रतिशत नगद गरी कूल १५.८ प्रतिशत लाभांश पारित गरेको हो । यससँगै पुस ६ गतेसम्म कायम सेयरधनीले उक्त लाभांश पाउने भएका छन् ।
हाल बैंकको चुक्ता पुँजी १६ अर्ब ३२ करोड रुपैयाँ छ । १२.५० प्रतिशत बोनस सेयर पछि बैंकको चुक्ता पुँजी १८ अर्ब ३६ करोड रुपैयाँ पुगेको छ ।
बैंकको साधारणसभा पुस २२ गते बिहान साढे १० बजे काठमाडौंको त्रिभुवन आर्मी अफिसर्स क्लबमा भएको हो । सभाले गत आर्थिक वर्षको सम्पूर्ण वार्षिक प्रतिवेदनहरु पारित गरेको छ ।
