शे-फोक्सुण्डो गाउँपालिका अध्यक्षमा एमाले उम्मेदवार निर्विरोध
इन्भेष्टाेपेपर । वैशाख १३, २०७९
काठमाडौं । डोल्पाको फोक्सुण्डो गाउँपालिकामा एमालेका तर्फबाट मात्रै मनोनयनपत्र दर्ता भएको छ । लामाको मात्रै उम्मेदवारी परेपछि उहाँ निर्विरोध निर्वाचित हुनुभएकाे हाे ।
एमालेका उमेदवार धावा सम्दुक गुरुङको मात्रै मनोनयन परेको निर्वाचन अधिकृतको कार्यालय फोक्सुण्डोले जनाएको छ । गुरुङ एमाले डोल्पाका पार्टी उपसचिव समेत हुन् ।
अध्यक्षमा लामासहित गाउँपालिकामा प्यानल नै निर्विरोध निर्वाचित भएका हुन् । उपाध्यक्षमा नेकपा एसका छार्काताङ्सोङ लामा निर्विराेध निर्वाचित भएका छन् ।
गाउँपलिकाको १ नम्बर वडाध्यक्षमा जिक्मेछोइङ लामा, ३ नम्बर वडाध्यक्षमा पेमागिर्मे गुरुङ, ५ नम्बर वडाध्यक्षमा कार्मातार्के गुरुङ, ६ नम्बर वडाध्यक्षमा रिग्जिन गुरुङ, ७ नम्बर वडाध्यक्षमा पेमाछिरिङ गुरुङ र ९ नम्बर वडाध्यक्षमा सार्के लामा निर्विरोध निर्वाचित भएका छन् ।
