कुमारी क्यापिटलको चौथो वार्षिक साधारण सभा सम्पन्न, लाभांश पारित
इन्भेष्टाेपेपर । भाद्र २१, २०७९काठमाण्डाैँ । कुमारी क्यापिटल लिमिटेडको चौथो वार्षिक साधारण सभा भाद्र २० गतेका दिन कम्पनिको सञ्चालक समितिका अध्यक्ष बिकास खनालको सभापतित्वमा टंगाल स्थित कुमारी बैंक लिमिटेडको केन्द्रिय कार्यालयमा सम्पन्न भयो ।
उक्त सभामा कम्पनिको आ. व. २०७८/७९ को सञ्चालक समितिको प्रतिवेदन, सोहि आर्थिक वर्षको लेखापरिक्षकको प्रतिवेदन, वासलात, नाफा–नोक्सान हिसाब, नगद प्रवाह विवरण तथा सो विवरणहरुसँग सम्बन्धित अनुसुचिहरु पारीत भयो ।
सभाले कम्पनिको हाल कायम चुक्ता पुँजि रु. ४०,००,००,०००।– को ५ प्रतिशतले हुन आउने रु. २,००,००,०००।– (अक्षरेपि रु. दुई करोड मात्र) नगद लाभांश (लाभांश करसमेत) वितरण गर्ने प्रस्ताव सर्वसम्ममतिबाट पारित गरेको छ ।
