गर्मी बढ्दै – मौसमविद भन्छन पानी पर्ने सम्भावना तत्काल छैन

इन्भेष्टाेपेपर । जेठ २५, २०८०

काठमाण्डाँ । देशका अधिकांश भूभागमा अझै केही दिन गर्मी बढ्ने र तराईमा तातो हावा (लु) चल्ने जल तथा मौसम पूर्वानुमान महाशाखाले जनाएको छ । 

हाल देशमा पश्चिमी वायुका साथै स्थानीय वायुको आंशिक प्रभाव रहेको छ। महाशाखाका अनुसार बिहीबार देशको पहाडी भू–भागमा आंशिक देखि सामान्य बदली रही बाँकी भू–भागमा मौसम सामान्यतया सफा रहेको छ । 

यस्तै, बिहीबार दिउँसो कोशी प्रदेश लगायत देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ। कोशी प्रदेश लगायत गण्डकी तथा कर्णाली प्रदेशका पहाडी भू–भागका एक/दुई स्थानमा मेघ–गर्जनरचट्याङ्ग सहित क्षणिक वा हल्का वर्षाको सम्भावना रहेको छ ।