घटस्थापनाको दिन सुनचाँदीको भाउ बढ्यो
इन्भेष्टाेपेपर । आश्विन २५, २०८३
काठमाण्डौ । कारोबार हुने हप्ताको पहिलो दिन आज आइतबार सुनचाँदीको भाउ बढेको छ ।घटस्थापनको दिन आज सुन तोलामा ८०० रुपैयाँले बढेको हो ।
भाउ बढेर सुन आज तोलाको २ लाख ९६ हजार ५०० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।अस्ति शुक्रबार पनि सुनको भाउ तोलामा २ हजार ९०० रुपैयाँले बढेर तोलाको २ लाख ९५ हजार ७०० रुपैयाँमा कारोबार भएको थियो ।
त्यस्तै आज चाँदीको भाउ तोलामा ३५ रुपैयाँले बढेको छ । अस्ति शुक्रबार तोलाको ४ हजार ४०५ रुपैयाँमा कारोबार भएको चाँदीको भाउ आज तोलाको ४ हजार ४४० रुपैयाँ पुगेको छ ।
