आगामी तीन दिनको मौसम कस्ताे रहन्छ त ?
इन्भेष्टोपेपर । कार्तिक २६, २०७८
काठमाडौं । हाल नेपालमा कुनै उल्लेखनीय मौसमी प्रणाली छैन। वायुको अधिकतम र न्यूनतम तापक्रम घट्ने क्रममा रहेकोले चिसोबाट बच्न सामान्य सतर्कता अपनाउन जल तथा मौसम पूर्वानुमान महाशाखाले अनुरोध गरेको छ । हाल देशका पहाडी भूभागहरुमा आंशिक बदली रही बाँकी भागको मौसम सामान्यतया सफा रहेको छ ।
शुक्रबार दिउँसो देशको प्रदेश न १ र प्रदेश न २ का भागमा आंशिकदेखि सामान्य बदली रही बाँकी भागमा आंशिक बदली रहने छ। राती प्रदेश न १ र प्रदेश न २ लगायत अन्य प्रदेशको पहाडी भागमा आंशिक बदली रही बाँकी भागमा मौसम सामान्यतया सफा रहने छ।
शनिबार दिउँसो देशको पहाडी भागमा आंशिक बदली र बाँकी भागमा मौसम सामान्यतया सफा रहने छ। राती देशको पहाडी भागमा आंशिक बदली रही बाँकी भागमा मौसम सामान्यतया सफा रहने छ।
आईतबार दिउँसो देशका प्रदेश न १, वागमती प्रदेश र गण्डकी प्रदेशका भागमा आंशिकदेखि सामान्य बदली र अन्य प्रदेशका पहाडी भूभागमा आंशिक बदली रही बाँकी भागमा मौसम सामान्यतया सफा रहने छ। राती देशको पहाडी भू(भागमा आंशिक बदली रही बाँकी भागमा मौसम सामान्यतया सफा रहने छ।
