छिमेक लघुवित्तको २९ प्रतिशत लाभांश पारित, २ जना सञ्चालक निर्वाचित
इन्भेष्टाेपेपर । माघ ०१, २०७७
छिमेक लघुवित्त वित्तीय संस्थाले प्रस्तावित २९ प्रतिशत लाभांश वितरण गर्ने प्रस्ताव पारित गरेको छ । कम्पनीको पुस २९ गते सम्पन्न वार्षिक साधारण सभाले उक्त लभांश वितरण गर्ने प्रस्ताव पारित गरेको हो ।
सभाले २२ प्रतिशत बोनस शेयर र ७ प्रतिशत नगद लाभांश गरेर कुल २९ प्रतिशत लाभांश वितरण गर्ने प्रस्ताव पारित गरेको हो ।
साथै सभाले कम्पनीको सर्वसाधारण शेयरधनीहरुको तर्फबाट प्रतिनिधित्व गर्ने २ जना सञ्चालक पनि निर्वाचित गरेको छ । सभाले आगामी ४ वर्षका लागि कर्ण बहादुर घले र प्रकाश राज विष्टललाई निविरोध निर्वाचित गरेको हो ।
हालसम्म कम्पनीले ६७ जिल्लामा १३७ शाखा कार्यालयहरुबाट लघुवित्त सेवा प्रदान गर्दै आएको छ ।
