आगामी आर्थिक वर्षभित्र १,६२९ मेगावाट बिजुली राष्ट्रिय प्रसारण प्रणालीमा जोडिने

इन्भेष्टोपेपर । जेष्ठ १६, २०७

काठमाडौँ । आगामी आर्थिक वर्षभित्रमा सरकारी तथा निजी क्षेत्रले निर्माण गरिरहेका आयोजनाबाट एक हजार ६२९ मेगावाट बिजुली राष्ट्रिय प्रसारण प्रणालीमा जोडिने भएको छ । सरकारी लगानीमा निर्माणाधीन माथिल्लो तामाकोशी, रसुवागढी, राहुघाटलगायत आयोजना तथा निजी क्षेत्रले निर्माण गरिरहेका परियोजनाबाट उक्त परिमाणमा बिजुली जाेडिनेछ ।    
    
अर्थमन्त्री विष्णुप्रसाद पौडलले प्रस्तुत गर्नुभएको आगामी आर्थिक वर्षको बजेटमा सरकारी तथा निजी क्षेत्रले निर्माण गरिरहेका आयोजनालाई शीघ्र सम्पन्न गर्न प्रोत्साहित गर्ने उल्लेख छ । यस्तै सरकारले अर्धजलाशय र जलाशयुक्त आयोजना निर्माणलाई समेत विशेष प्राथमिकतामा राखेको छ । आगामी आवभित्र ४३ जिल्लामा पूर्णरूपमा विद्युतीकरण गरी उज्यालो नेपाल निर्माणलाई एउटा निष्कर्षमा पु¥याउने विषयलाई बजेटले महत्वका साथ समावेश गरेको छ ।   

सरकारले प्रस्तुत गरेकाे आगामी आर्थिक वर्षकाे बजेटमा ऊर्जा क्षेत्रका लागि कुल रु. एक खर्ब २१ अर्ब ९७ करोड बराबरको रकम विनियोजन गरेको अर्थमन्त्री पौडेलले जानकारी दिनुभयो । यसमा ऊर्जा दक्षता कार्यक्रमलाई समावेश गरिएको छ भने विपन्न नागरिकको घरमा निःशुल्क रुपमा विद्युत् जडान गर्ने कार्यक्रम समेटिएको छ ।  (रासस) 
    

Share This Via:

Investopaper

Investopaper is a financial website which provides news, articles, data, and reports related to business, finance and economics.

Leave a Reply

Your email address will not be published. Required fields are marked *