सेबोनको अध्यक्षमा तीन जनाको नाम सिफारिस
Investopaper, पौष १५, २०७६
नेपाल धितोपत्र बोर्ड (सेबोन)को अध्यक्ष पदकाे लागि भएकाे छनाैट प्रकृयामा रहेका ८ जना आवेदक मध्ये छनाैट समितिले तीन जनाकाे नाम अन्तिम सिफारिस गरि पठाएकाे छ ।
नेपाल राष्ट बैंकका पूर्व कर्मचारी भीष्मराज ढुँगाना, धिताेपत्र बोर्डका निर्देशक निरज गिरी र डा केशवप्रसाद श्रेष्ठ गरि तीन जनाको नाम सिफारिस भएको हो ।
यी तीन जना बाहेक नेपाल स्टक एक्स्चेञ्जका पूर्व प्रमुख सिताराम थपलिया, धितोपत्र बोर्डकै पूव सञ्चालक निलसार मगर , डा.नवराज अधिकारी, ब्रोकर एसोसिएसनका पूर्व अध्यक्ष नरेन्द्र सिँजापति तथा टंक प्रसाद पनेरूले आवदेन दिएका छन् ।
सेबोनको अध्यक्षका लागि आठ जना नामबाट अध्यक्ष सिफारिस समितिले पाँच जनाको नाम पठाएको थियो । उक्त पाँच जनाबाट अध्यक्ष बन्न अन्तिम तीन जनाको नाम प्रक्रियामा पठाएको हो ।
अर्थमन्त्रालयले राष्ट्रिय योजना आयोगका सदस्य रामकुमार फुँयालको संयोजकत्वमा अर्थमन्त्रालयका राजश्व सचिव शिविरकुमार ढुंगाना र आइक्यानका अध्यक्ष कृष्णप्रसाद आचार्य सदस्य रहेको ३ सदश्यीय छनोट समिति बनाएको थियो ।
