निष्ठाले पराजय भोगे पछि
-- जनक तिवारी
जनताका वारेस दल
कार्यकर्ता मालामाल ।
भोटका लालचि नेता
तिनका वरिपरी पछुवा ।
१
पछुवाका वारेस विचौलिया
तिनका सुराकि तलविया ।
सरकारका निर्णायक किचन
किचनल्यै दिन्छ मिसन ।
२
कानुनका वारेस वकिल
गुण्डाका यार पुलिस ।
निती निर्माणमा विधायक
स्वार्थसिद्विका निर्णायक ।
३
विकासका वारेस डोजर
निर्वाचितका सहोदर ।
राष्ट्रका वारेस दुत
भागवण्डाका सपुत ।
४
मुल्यका वारेस ब्यपारी
करको सेटिङ संधैभरि ।
शिक्षामा माहिर संचालक
फिस असुलिले मालामाल ।
५
अस्पतालका वारेस डाक्टर
तिनका अन्नदाता एम्आर ।
मन्दिरका हर्ताकर्ता पण्डा
भित्रियाहरूको वितन्डा ।
६
किसानका वारेस विचौलिया
कृषि क्षेत्रका झुसिलकिरा ।
सेटिङमा चलेको ठेकेदारी
भेटि चढाएपछिको उमेद्वारी ।
७
निष्ठाले पराजय भोगेपछि
नेतृत्वले सत्तालिप्सा रोजेपछि ।
त्यो देशको अवस्था कस्तो हुन्छ रु
हाम्रै नेपाल जस्तै हुन्छ ।
८
(गैंडाकाेट, नवलपरासी)
