आजदेखि सबै सवारी चल्न पाउँने, विद्यालय कलेज फागुन १ बाट खुल्ने
इन्भेष्टोपेपर । माघ २४, २०७८
काठमाडौं । आज सोमबारदेखि उपत्यकाका सवारी साधनहरूमा लागू गरिएको जोर–विजोर प्रणाली हटाइएकाे छ । अब सबै प्रकारका सवारी साधानहरू सदा झै चल्न पाउँने छन् ।
सिसिएमसीसीले गरेकाे सिफारिसका आधारमा उपत्यकाका तीन जिल्लाका प्रमुख जिल्ला अधिकारीको संयुक्त बैठकले उक्त निर्णय गरेको भक्तपुर जिल्लाका प्रजिअ रुद्रादेवी शर्माले जानकारी दिनुभयो ।
यस्तै विद्यालय र कलेजहरु भने फागुन १ गतेदेखि भौतिक रुपमा सञ्चालन गर्न पाइने उहाँले बताउनुभएको छ । तर, १२ वर्ष मुनिका बालकालिकाका लागि स्थानीय तहलाई जिम्मा लगाउने निर्णय भएको शर्माको भनाइ छ ।
