काेराेनाबारे बुझ्न १११५ मा चौबिसै घण्टा फाेन गर्न सकिने
इन्भेष्टोपेपर । फागुन ३०, २०७६
काठमाण्डाै – कोरोना भाइरस (काेभिड–१९) बारे बुझ्न पैसा नलाग्ने नम्बर १११५ मा चौबिसै घण्टा फोन गर्न सकिने भएको छ ।
स्वास्थ्य तथा जनसङ्ख्या मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले शुक्रबारदेखि कोरोना भाइरसबारे बुझाउन पैसा नलाग्ने नम्बर १११५ मा जानकारी दिन थालेको हो ।
महाशाखाका निर्देशक वासुदेव पाण्डेले कोरोनाबारे बाहिरी हल्लाको पछि नलागी महाशाखाले सञ्चालनमा ल्याएको १११५ नम्बरमा सम्पर्क गर्न आग्रह गर्नुभयो ।
यो नम्बरमा आउने फोन उठाउन ६ जना कर्मचारी खटाइएको पनि उहाँले उज्यालोलाई जानकारी दिनुभएको छ । कोरोनाबारे बुझ्न १११५ नम्बरमा चौबिसै घण्टा फोन गर्न सकिनेछ ।
