गीतकार सुमन योन्जनको गीत “ए हावा” सार्वजनिक (भिडियोसहित)

इन्भेष्टाेपेपर । साउन ६, २०८१

काठमाडौं । गीतकार सुमन योञ्जनको नयाँ गीत “ए हावा” सार्वजनिक भएको छ । द भ्वाइस अफ नेपालबाट लोकप्रिय बनेकी गायिका गीता शर्माको सुमधुर स्वरमा रहेको यस गीतमा कमल राई र गीता शर्माकै संगीत अनि देवेश राइको एरेन्ज रहेको छ ।

प्रेमिल भावको गीत “ए हावा” को म्युजिक भिडियोमा लोकप्रिय मोडेलहरु गीता ढुंगाना र सागर खनालको अभिनय रहेको छ पछिल्लो समयका ब्यस्त निर्देशक प्रहिल कार्कीको निर्देशनमा बनेको भिडियोमा बुद्ध थापाको सिनेमाटोग्राफी र माधव बेलबासेको सम्पादन रहेको छ।

गीतलाई क्रिस्टल क्रियसन (Crystal Creation) युट्युब च्यानल मार्फत सार्वजनिक गरिएको हो । अमेरिका निवासी गीतकार योञ्जनको शब्दमा “फिदा” “पानी पिउने”, “सरु सरु लाग्यो” कालापानी” र “थाहा छैन” लगायतका म्युजिक भिडियोहरु सार्वजनिक भैसकेका छन्।