महानगरले नेपाल र नेदरल्याण्ड्सबीचकाे खेल प्रत्यक्ष प्रशारण गर्ने

इन्भेष्टाेपेपर । जेठ २२, २०८१

काठमाण्डाैँ । काठमाडौं महानगरपालिकाले नेपाल र नेदल्याण्ड्सबीचको टी–२० विश्वकपकाे खेल प्रत्यक्ष देखाउने भएको छ। क्रिकेट खेल हेर्नका लागि महानगरले टुँडिखेल, तीनकुने र हाँडीगाउँमा प्रत्यक्ष प्रशारण गर्न लागेको हो। 

नेपाली समयअनुसार साँझ सवा नौ बजेदेखि हुने खेल महानगरले खेल हेर्नका लागि ठूला एलईडी स्क्रीन राख्ने भएको हो। 

महानगरपालिकाले ओपन डोर्स इन्टरटेनमेन्टको सह आयोजना र खेलकुद मन्त्रालयको सहकार्यमा प्रत्यक्ष प्रसारण गर्ने भएको प्रमुखको सचिवालयका सदस्य नविन भण्डारीले जानकारी दिए।