युवा तथा खेलकुद मन्त्रालयका सबै बैठक ‘लाइभ’ गर्ने मन्त्री गुप्ताको निर्णय

इन्भेष्टाेपेपर । कात्तिक १०, २०८२

काठमाडौँ । नवनियुक्त युवा तथा खेलकुदमन्त्री बब्लु गुप्ताले आइतबार पदबहाली गर्नुभएकाे छ । सिहंदरबारस्थित युवा तथा खेलकुद मन्त्रालयमा मन्त्री गुप्ताले पदभार ग्रहण गर्दै आगामी दिनमा युवा तथा खेलकुद मन्त्रालयअन्तर्गतका सबै निकायका सबै बैठकको प्रत्यक्ष प्रसारण गर्ने निर्णयमा हस्ताक्षरसमेत गर्नुभयाे ।

उहाँले खेलकुद क्षेत्रको विकासका लागि बोलेरभन्दा पनि काम गरेर देखाउने प्रतिबद्धता व्यक्त गर्नुभयाे ।

सिरहाको लहान घर भएका मन्त्री गुप्ता जेन-जी आन्दोलनको अगुवा समेत हुनुहुन्छ । उहाँ सामाजिक कार्यमा पनि उत्तिकै सक्रिय हुनुहुन्छ ।

मन्त्री गुप्ताले कोभिड–१९ को समयमा नि:शुल्क खाना खुवाउने अभियान चलाउनु भएकाे थियाे । त्यसैगरी उहाँले ‘हन्ड्रेड ग्रुप’मार्फत विद्यार्थीलाई पढाउँदै आउनुभएकाे छ ।