पेट्रोलियम पदार्थको मूल्य फेरी बढ्यो, ग्यासकाे मूल्य यथावत
इन्भेष्टोपेपर । माघ ६, २०७८
काठमाडौं । नेपाल आयाल निगमले पुनः पेट्रोलियम पदार्थकाे मूल्य बढाएको छ । बुधबार राती १२ बजेदेखि लागु हुनेगरि निगमले पेट्रोल, डिजेल र मट्टितेलमा साविकको बिक्री मूल्यमा प्रतिलिटर तीन रुपियाँ वृद्धि गरेको हो ।
यस पटक गरिएकाे मूल्य वृद्धिसँगै अब पेट्रोलको प्रतिलिटर १३९ रुपियाँ पुगेको छ भने डिजेल र मट्टितेल १२२ रुपियाँ पुगेको छ ।
त्यस्तै आन्तरिक हवाई इन्धनमा पाँच रुपियाँ वृद्धि गरेको छ । मूल्य वृद्धिसँगै आन्तरिक हवाई ईन्धनको मूल्य अब प्रतिलिटर १०६ रुपियाँ पुगेको छ । तर, निगमले खाना पकाउने ग्यासको मूल्य भने नबढाएको जनाएको छ ।
