आँधिखोला लघुवित्तको आईपीओ सोमबार बाँडफाँड हुने, कति जनालाई पर्ला ?
Investopaper, असार २९, २०७६
आँधिखोला लघुवित्त वित्तीय संस्थाको आईपीओ सोमबार बाँडफाँड हुने भएको छ । कम्पनीले सर्वसाधारणका लागि ३ लाख ७५ हजार कित्ता शेयर असार २२ गतेदेखि जारी गरेको थियाे । २५ गतेसम्म ४ दिनमै १४ दशमलव ५५ गुणा बढी आवेदन परेको थियाे ।
बिक्री प्रबन्धक एनआईबीएल एस क्यापिटलका अनुसार यस आईपीओमा ३ लाख ८ हजार ४१४ जना आवेदकले ५४ लाख ५७ हार ३४० कित्ता शेयर खरिदको लागि आवेदन दिएका छन् ।
शेयर बाँडफाँडकाे प्रचलित नियमानुसार ३७ हजार ५ सय भाग्यशाली आवेदकले १० कित्ताका दरले शेयर पाउनेछन भने वांकि २ लाख ७० हजार ९ सय १४ जनाकाे हात खालि हुनेछ ।
