एनएमबि बैंक प्रगति पथमा, सबै सूचांकहरूमा सुधार
Investopaper, कार्तिक २९, २०७६
एनएमबि बैंक प्रगति पथमा लम्किरहेकाे आभाष दिनेगरि प्रथम त्रैमासकाे प्रगति पस्किएकाे छ । एनएमबि बैंकले अधिकास सूचकमा सुधारसहितको वित्तीय विवरण सार्वजनिक गरेको छ ।
बैकले चालु आर्थिक वर्षको पहिलो तीन महिनामा नै ८१ करोड ५१ लाख रुपैयाँ खुद नाफा कमाएको छ । जुन गत आर्थिक बर्षको यसै अवधिको तुलनामा ४८ प्रतिशतले बढी हो । गतबर्षको यसै अवधिमा बैंकको नाफा ५५ करोड थियो ।
बैंकको तीन महिनाको वितरणयोग्य मुनाफा ५३ करोड ६१ लाख रुपैयाँ रहेको छ । बैंकको खुद ब्याज आम्दानी र सञ्चालन नाफा दुवैमा आकर्षक सुधार आएको छ भने संचालन खर्च समेत घटाउन सफल भएकाे छ ।
समिक्षा अवधिमा बैंकले एक खर्ब २१ अर्ब ९१ करोड निक्षेप संकलन गरेर एक खर्ब १० अर्ब ३१ करोड कर्जा परिचालन गरेको छ । ओमलाई गाभेपछि बैंकको निक्षेप र कर्जाको आकार खर्ब नाघेको छ । बैंकको निक्षेपमा २४.५४ प्रतिशत तथा कर्जा २४.६७ प्रतिशतले बृद्धी भएकाे छ ।
एनएमवि बैंकका प्रमुख वित्तीय सूचांकहरूः
- बैंकको चुक्ता पूँजी पनि करिब २० प्रतिशतले बढेर ११ अर्ब ५२ करोड ९७ लाख रुपैयाँ रहेको छ ।
- जगेडा कोषमा करिव ४ अर्ब ७० कराेड रकम जम्मा गरेको छ ।
- बैंकको प्रतिशेयर आम्दानी बढेर २८ रुपैयाँ २८ पैसा कायम भएकाे छ ।
- प्रतिशेयर नेटवर्थ १ सय ८२ रुपैयाँ ४० पैसा छ ।
- बैंकको खराब कर्जा सामान्य बढेर १.९७ प्रतिशत पुगेको छ ।
- बैंककोे मूल्य आम्दानी अनुपात १३.५१ गुणा रहेकाे छ ।,
- आधार ब्याजदर १०.३३ प्रतिशत,
- कोषको लागत ७.११ प्रतिशत,
- पूँजी पर्याप्तता अनुपात १५.८१ प्रतिशत र
- सीसीडि ७७.२७ प्रतिशत रहेको छ ।
एनएमबि बैंकले ओम डेभलपमेन्ट बैंकलाई गाभेपछिको पहिलो वित्तीय विवरण सार्वजनिक गरेको हाे ।
