माेबाइल सेवा अपग्रेड हुँदैः सेवामा सामान्य समस्या देखिन सक्ने टेलिकमकाे सूचना
Investopaper, भाद्र २२, २०७६
काठमाडौं — नेपाल टेलिकमले शनिबार रातिदेखि जीएसएम मोबाइल सेवामा समस्या देखिन सक्ने बताएको छ । कम्पनीले आफ्नो सेवालाई फोरजीमा अपग्रेड गर्न लागेकाले त्यसका कारण सेवामा समस्या देखिन सक्ने टेलिकमले जनाएको हो ।
हाल टेलिकमको फोरजी सेवा विस्तारको काम भइरहेको छ । आगामी माघसम्म देशभर नै फोर-जी सेवा विस्तार गर्ने गरी चिनियाँ कम्पनीहरुले काम गरिरहेका छन् । यसैक्रममा मोबाइल सेवा प्रभावित हुन सक्ने टेलिकमको भनाइ छ ।
सिस्टम अपग्रेड हुँदा सेवामा कुनै समस्या आए मोबाइल अफ गरेर पुनः अन गर्न कम्पनीले सुझाव दिएको छ ।
यो सेवा अपग्रेड गर्दा कुनै समस्या देखिएर ग्राहकवर्गमा पर्न सक्ने असुबिधा प्रति क्षमाप्रार्थी रहेकाे कम्पनीले जारी गरेकाे सूचनामा उल्लेख छ ।
