चिनियाँ जन कँग्रेसका अध्यक्ष ली नेपाल आउँदै
इन्भेष्टाेपेपर । भाद्र २७, २०७९काठमाडौँ । छिमेकी मुलुक चीनका राष्ट्रिय जनकँग्रेस स्थायी समिति अध्यक्ष ली चान्सु तीन दिने औपचारिक भ्रमणका क्रममा सोमवार नेपाल आउँदै हुनुहुन्छ ।
सभामुख अग्निप्रसाद सापकोटाको मैत्रीपूर्ण निमन्त्रणामा उहाँ नेपालको औपचारिक भ्रमणमा आउन लाग्नुभएको हो । उहाँ भदौ २९ गतेसम्म नेपालमा रहनुहुने परराष्ट्र मन्त्रालयले जनाएको छ ।
चिनियाँ नेता लीसहितको चिनियाँ प्रतिनिधिमण्डल विशेष विमानमार्फत आउने कार्यक्रम रहेको छ । सोमवार नै सभामुख सापकोटा र लीले दुई देशीय वार्ता गर्नुहुने कार्यसूची तय भएको छ ।
वार्ताका क्रममा दुई देशको संसदीय अनुभव आदानप्रदान गर्नुहुनेछ । सभामुख सापकोटाले नेता ली तथा चिनियाँ प्रतिनिधिमण्डलको सम्मानमा सोमबार साँझ रात्रिभोजको आयोजना गर्नुहुनेछ ।
