सुनचाँदीको मूल्यमा निरन्तर वृद्धी, प्रति ताेला तीन हजार पाँचसय बढ्याे
इन्भेष्टाेपेपर । मंसिर २६, २०८२
काठमाडौँ । हिजाे बिहीबारको तुलनामा आज सुनचाँदीको मूल्यमा भारी वृद्धि भएको छ । सुन तोलामा तीन हजार पाँच सय र चाँदी सय रूपैयाँले बढेको छ ।
नेपाल सुनचाँदी व्यवसायी महासङ्घका अनुसार आज एक तोला सुनको मूल्य २ लाख ५६ हजार ६ सय कायम भएको छ भने एक तोला चाँदीको मोल ३ हजार ९ सय ५ रूपैयाँ निर्धारण भएको छ ।
बुधबार सुनको मूल्य प्रतितोला २ लाख ५३ हजार १ सय निर्धारण भएको थियो भने एक तोला चाँदी ३ हजार ८ सय ५ रूपैयाँमा कारोबार भएको थियो ।
अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन चार हजार २७५ र त्यति नै परिमाणको चाँदी ६२ अमेरिकी डलरमा खरिदबिक्री भइरहेको छ ।
