आँधीखोला लघुवित्तको आइपिओ भर्ने अन्तिम दिन, भर्न छुटला है ?
Investopaper, असार २५, २०७६
आँधीखोला लघुवित्त वित्तीय संस्थाको सर्वसाधारणकाे लागि जारी गरिएकाे ४ करोड रूपैयाँ बराबरको ४ लाख कित्ता प्राथमिक शेयर भर्ने आज अन्तिम दिन हो ।
कुल ४ लाख कित्ता मध्ये उक्त संस्थाका कर्मचारीहरूका लागि ५ हजार कित्ता तथा सामुहिक लगानी काेषका लागि २० हजार कित्ता छुट्याइएकाे छ । बांकि रहने ३ लाख ७५ हजार कित्ताकालागि सर्वसाधारणले आवेदन दिन सक्नेछन ।
निष्काशन भएकाे तीन दिनकाे अवधिमा माग भन्दा १२ गुणा बढी आवेदन परेकाे एनआइबिएल एस क्यापिटलले जानकारी दिएको छ । हिजाेसम्म २८ हजार ५ सय ८८ आवेदनबाट ४९ करोड ३६ लाख ३५ हजार रूपैयाँ बराबरको आवेदन परेको छ ।
