पेट्रोलियम पदार्थकाे मूल्य पुनः बढ्यो

इन्भेष्टोपेपर । फागुन ८, २०७८

काठमाडौं । नेपाल आयल निगमले पेट्रोलियम पदार्थमा मूल्य पुनः वृद्धि गरेको छ। शनिबार राति १२ बजेदेखि लागू हुने गरी निगमले पेट्रोल, डिजेल र मट्टीतेलको मूल्य बढाएको हो।

आइतबारबाट काठमाडौँ उपत्यकामा पेट्रोलको मूल्य प्रतिलिटर १४५ रुपैयाँ पुगेको छ भने डिजेल र मट्टीतेलको मूल्य १२८ रुपैयाँ पुगेको छ। निगमका सहप्रवक्ता पुष्कर कार्कीका अनुसार खाना पकाउने एलपी ग्यास र हवाई इन्धनको मूल्य भने यतावत राखिएको छ।

यसअघि निगमले माघ १८ गते मूल्य बढाएको थियो। इण्डियन आयल कर्पोरेशनले पठाएको मूल्य सूची अनुसार नेपालमा मूल्य वृद्धि भएको निगमले जनाएको छ।