नमस्ते पे वालेटमा स्प्लिट बिल को सुबिधा
इन्भेष्टाेपेपर । मंसिर २७ २०७९काठमाडौँ : नमस्ते पे प्रयोगकर्ताहरूले अब नमस्ते पे वालेट मा स्प्लिट बिल को सुबिधा प्रयोग गर्न सक्नेछन्। यो सुबिधा को फाइदा Android र IOS दुवै प्रयोगकर्ताहरुले लिन सक्नेछन्।
साथीभाई र आफन्त संग खाजा खादा होस् या सपिंग जादा, नमस्ते पे को स्प्लिट बिल सेवा कुनै झन्झट बिना छिटो, सरल र भरपर्दोरुपमा प्रयोग गर्न सकिन्छ।
एनडिपिसी दूरसञ्चार सेवा प्रदायक नेपाल टेलिकम र राष्ट्रिय बाणिज्य बैंकद्वारा संयुक्त रुपमा प्रवर्द्धित भुक्तानी सेवा प्रदायक संस्था हो । नमस्ते पे अन्तर्गत इन्टरनेट र स्मार्ट फोन आवश्यक नपर्ने गरी यूएसडिडी मार्फत बैंक र वित्तीय पहुँच नभएका ग्रामीण क्षेत्रमा तथा मोबाइल एप मार्फत अन्य क्षेत्रमा समेत आधुनिक र सरल डिजिटल भुक्तानी सेवा प्रदान गर्ने दुबै प्रकारका विशेषता रहेका छन्।
नमस्ते पे नगदरहित समाज सिर्जना गर्ने प्रयासमा उल्लेख्य भूमिका खेल्ने ध्येयले शुरु गरिएको डिजिटल भुक्तानी सेवा हो। आधुनिक प्रविधिको प्रयोग मार्फत सरल र सुरक्षित डिजिटल भुक्तानी सेवा प्रदान गरी बैंक र डिजिटल प्रविधिमा पहुँच भएका तथा नभएका सबै उपभोक्तालाई आधुनिक वित्तीय सेवा प्रदान गर्नु यस वालेट सेवाको उद्देश्य रहेको छ
