चाइनाकाे चर्चित गुफा जसलाई भनिन्छ स्वर्ग जाने ढोका !

इन्भेष्टोपेपर । कार्तिक २३, २०७८

संसारमा यस्ता पनि देश छन् जहाँ अचम्मका दृश्य देख्न पाइन्छ । चीनमा एउटा चर्चित गुफा छ जहाँ जानको लागि स्वर्ग जाने सिँढी चढ्नुपर्छ।

ग्रेट वाल अफ चाइनाजस्तै यो अर्को एउटा जादुमयी ठाउँ हो । जहाँ पर्यटकहरु ठूलो मात्रामा घुम्न जाने गर्छन् । यो चर्चित पर्यटकीय क्षेत्रमा वर्षभरी नै मान्छे घुम्नका लागि आवत-जावत गरिरहेका हुन्छन् ।

चीनमा भएको तियानमेन माउन्टेनलाई स्वर्गको ढोका पनि भन्ने गरिन्छ । खासमा यो पहाडमा भएको गुफालाई संसारकै उच्च स्थानमा भएको गुफा पनि मानिन्छ । यस गुफालाई स्वर्गको गुफा पनि भन्ने गरिन्छ ।

सुन्दर पहाडका डरलाग्दा घुम्ती छिचोल्दै उकालो चढेपछि यो गुफामा पुगिन्छ । झण्डै ५ हजार फिटको उचाईमा अवस्थित यो गुफा तीव्र हावाका कारण बनेको बताइन्छ ।

यसको लम्बाई १ सय ९६ फिट र उचाई ४ सय ३१ फिट छ । धेरै अग्लो स्थानमा भएका कारण गुफा पूर्ण रुपमा बादलले घेरिएको हुन्छ । यहाँ जान पहाडको बाटोका अलावा केबलकार पनि प्रयोग गर्न सकिन्छ ।

केबलकारबाट उत्रिएपछि यो गुफामा पुग्न ९ सय ९९ वटा सिँढी चढ्नुपर्छ ।

— एजेन्सीकाे सहयाेगमा

Share This Via:

Investopaper

Investopaper is a financial website which provides news, articles, data, and reports related to business, finance and economics.

Leave a Reply

Your email address will not be published. Required fields are marked *