चैत्र महिनाभित्र भर्नु पर्ने तीन कम्पनीका हकप्रद शेयरहरू भर्न छुटला है !
Investopaper, चैत्र ११, २०७५
चैत्र महिनाभित्र भरीसक्नु पर्ने विभिन्न चार वटा कम्पनीको हकप्रद शेयर निष्काशन भइरहेको छ । यदी हकप्रद शेयर भर्नु भएकाे छैन भने समयसीमा भित्र शेयर भरेर ढुक्क हुनुहाेस ।
१. उन्नति माइक्राेफाइनान्सः
उन्नती माइक्रोफाइनान्सको ५ बराबर १ को अनुपातमा २० प्रतिशत हकप्रद शेयर फागुन १३ गतेदेखि निष्काशन भएको छ । यस कम्पनीको हकप्रद भर्ने अन्तिम समय चैत १७ गतेसम्म मात्र रहेको छ । जसको बिक्री प्रबन्धक सिद्धार्थ क्यापिटल लिमिटेड रहेको छ ।
उक्त हकप्रद माघ १५ गतेसम्म कायम शेयरधनीले मात्र भर्न पाइनेछ । जसको बुकक्लोज माघ १६ गते भएको थियो ।
२. मेराे माइक्रोफाइनान्सः
मेरो माइक्रोफाइनान्स वित्तीय संस्थाको पनि १ बराबर १ को अनुपातमा शतप्रतिशत हकप्रद शेयर फागुन १९ गतेदेखि चैत २४ गतेसम्म खुला रहेको छ ।
जसको बिक्री प्रबन्धक ग्लोबल आइएमई क्यापिटल रहेको छ । उक्त हकप्रद शेयर माघ २३ गतेसम्म कायम शेयरधनीले मात्र भर्न पाइनेछ । यसको बुकक्लोज माघ २४ गते भएको थियो ।
३. नेपाल इन्स्योरेन्स कम्पनीः
नेपाल इन्स्योरेन्स कम्पनीको १ बराबर शून्य दशमलव ६५ को अनुपातमा ६५ प्रतिशत हकप्रद शेयर फागुन २१ गतेदेखि खुला गरिएको थियो । जसको भर्ने अन्तिम समय चैत २५ गतेसम्म रहेको छ ।
जसको बिक्री प्रबन्धक ग्लोबल आइएमई क्यापिटल रहेको छ । उक्त हकप्रद शेयर माघ २६ गतेसम्म कायम शेयरधनीले मात्र भर्न पाइनेछ । माघ २७ गतेदेखि २९ गतेसम्म बुकक्लोज रहेको थियो ।
