गजल …’प्रकृति’
— गंगा लिगल
हामी संग प्रकृति रिसाइन कि साथी
रिसले फूल फुल्न बिसाइन कि साथी ।
यो बसन्तमा फूल फुलाउनै पर्छ तिनले
बसन्त मै सौन्दर्य छिपाइन कि साथी ।
बेली चमेली फुल्नै पर्छ यही मौसममा
सुबास भैकन नै भगाइन कि साथी ।
भवरा आउलान भनी पातमा आफु छिपी
रसास्वादन गर्ला भनी लुकाइन कि साथी ।
प्रकृति र हाम्रो तादाम्य मिलेन जस्तो लाग्छ
यस्तै भएर तिनी टाढा भइन कि साथी।
तर आएर सौन्दर्यको मात देखाउनै पर्छ
यसैले तिनी यहाबाट कतै रमाइन कि साथी ।
