हाइकुमय उखानहरु :
— हृदय लेकाली (राम बस्नेत )
१) कोही न कोही
जवानीको बेलामा
यो रोगी पोइ ।
२) व्यथा थुपार्ने
भनी साध्य नै छैन
भने नौ धार्नी ।
३) बोको भा काट्थेँ
यो मान्छे नै परि गो
अरु भा साट्थेँ ।
४) मैतालु ब्वारी
खै के घर खाली र ?
अन्तै सवारी ।
५) हिलोको धान
हिलै खेताँ सप्रिन्छ
भकारी भर्न ।
६) बैला पल्टिए
लाहुरेका श्रीमती
वंशको गर्जो ।
७) सासूको साँचो
बुहारीले पाउँछे
सासू भएर ।
८) कर्सामा झार
कामै छैन् घरज्वाइँ
तिम्रो आधार ।
९) गाउँमै सैना
पर्दा राम हेर्ने हुन्
क्यै काम छैन ।
१०) नजाऊ जन्त
गै हाल बरु अन्त
के लिनु टन्ट ।
११) कोदाको ढिँडो
जति रङ्ग हाले नि
कालाको कालै ।
१२) घराँ लाहुरे
चुलो किन निभ्छ र ?
तातो च्या खान ।
१३) घरकी ब्वारी
उतै पार्छे मसान्ति
माइत जान ।
१४) छालाको गुन
अरु सबै सहन्छ
पानी बैगुन ।
१५) झड्केलो छोरो
काकाबाउ रिझायो
आमा मरे नि ।
१६) ठीकै त भो नि
अपुताको सन्दुस
छुचाले फोड्यो ।
१७) शंख फुक्ने बा
छोरा निस्के जँड्याहा
कुलको क्षति ।
१८) विधुवा ब्वारी
घर धानी बसिन् नै
धन्य देउती ।
१९) काँ गनाउँछ
आफू पादेको पाद
सास्तीमा अरु ।
२०) निभायौ आगो ?
डढेलो लाग्न आगाले
खडेरी खोज्छ ।
