प्रधानमन्त्री ओलीले आज संसदमा सम्बोधन गर्ने
Investopaper, असार ०३, २०७६
साताव्यापी युरोप भ्रमणबाट फर्किएपछि प्रधानमन्त्री केपी शर्मा ओलीले मंगलबार ११ बजे संसदमा सम्बोधन गर्नुहुने भएकाे छ । विदेश भ्रमण गरेर स्वदेश फर्केपछि प्रधानमन्त्रीले संसदमा सम्बोधन गरी जानकारी दिने चलन छ ।
प्रधानमन्त्री केपी शर्मा ओलीले युरोप भ्रमणकाे उपलव्धि तथा विभिन्न विधेयकमाथि उठेका प्रश्नबारे संसदलाई जानकारी दिने उदेश्यले सम्बोधन गर्न लागेका जानकारी गराइएकाे छ ।
गुठी विधेयक र मिडिया काउन्सिल विधेयकलाई लिएर सम्बन्धित पक्षले निरन्तर आन्दोलन गर्दै आइरहेका छन् । सरकारले पेश गरेको गुठी विधेयकको विरोधमा आन्दोलन चर्किएपछि सोमबार प्रधानमन्त्री ओलीले नेकपाबाट विजयी काठमाडौं उपत्यकाका संघीय सांसद, प्रदेश सांसद र महानगरपालिकाका मेयर, उपमेयर र वडाध्यक्षलाई डाकेर सुझाव लिनु भएकाे थियाे ।
प्रधानमन्त्रीले समसामयिक विषयमा संसदमा आफ्ना कुरा राख्ने प्रधानमन्त्री निकट श्राेतले बताएकाे छ ।
