माछापुच्छ्रे वैंककाे नाफामा ३६ प्रतिशत वृद्धी, व्यवसाय वृद्धी २० प्रतिशतकाे हाराहारीमा
Investopaper, श्रावण ०३, २०७६
गत आर्थिक बर्षमा माछापुच्छ्रे बैंकले १ अर्ब ७० करोड खुद नाफा कमाएको छ । आर्थिक बर्ष ०७४/७५ मा बैंकले १ अर्ब २४ करोड नाफा कमाएकोमा गत आर्थिक बर्षमा ३६.३२ प्रतिशतले नाफा बढाएको हो । व्यवसाय वृद्धी भने २० प्रतिशतकाे हाराहारीमा छ ।
बैंकको वितरणयोग्य मुनाफा (फ्रि प्रफिट) भने १ अर्ब ३२ करोड मात्र रहेको छ । नयां लेखा प्रणाली एनएफआरएस अनुसार केहि शिर्षकमा थप रकम व्यवस्था गर्नुपर्ने भएकाले फ्रि प्राेफिट अझ तलमाथि हुनसक्छ ।
हाल बैंकको चुक्ता पुंजी ८ अर्ब ६ करोड रहेको छ । ८५ अर्ब १९ करोड निक्षेप संकलन गरेको बैंकको कर्जा लगानी ७५ अर्ब २९ करोड रहेको छ । यस अवधिमा बैंकको जगेडा कोष १ अर्ब ४५ करोड रहेको छ।
वैंकले जगेडा काेषमा ३८.७० प्रतिशतले वृद्धीगरि मजबुद बनाएकाे छ भने व्यवसाय वृद्धी २० पेतिशतकाे हाराहारीमा रहेकाे छ । यस अवधिमा वैंकले निष्कृय कर्जा गतकाे तुलनामा घटाएकाे छ ।
माछापुच्छ्रे वैंकका प्रमुख वित्तीय सुचकांकहरू यस प्रकार रहेका छनः
- वैंकको चुक्ता पुंजी ८ अरव ६ करोड छ र यस अवधिमा कुनै वृद्धी भएकाे छैन ।
- यस अवधिमा भाखा नाघेकाे कर्जा 0.३७ प्रतिशत छ,
- यस अवधिमा वैंकको प्रति सेयर आम्दानी (ईपिएस) २१रूपैया १५ पैसा,
- प्रति सेयर नेटवर्थ १३९.५७ रूपैंया,
- आधार ब्याजदर १०.३७ प्रतिशत ,
- कोषको लागत ७.८८ प्रतिशत
- स्प्रेड रेट (ब्याजदर अन्तर) ४.२७ प्रतिशत
- सीसीडि ७६.९८ प्रतिशत ,
- मूल्य आम्दानी अनुपात १२.४८ गुणा र
- सेयरकाे बजारमूल्य २६४ रूपैया रहेकाे छ ।
