महिनाकाे पहिलाे दिन सुनचाँदीको मूल्य बढ्यो

इन्भेष्टाेपेपर ।  भाद्र १, २०८३

काठमाडौँ ।  स्थानीय बजारमा सोमबार सुनचाँदीको मूल्य बढेको छ । सुन तोलामा एक हजार ६०० र चाँदी ६० रुपियाँले बढेको हो  ।

नेपाल सुनचाँदी व्यवसायी महासङ्घ, काठमाडौँले आज छापावाल सुन प्रतितोला तीन लाख  छ हजार ८०० र चाँदीको चार हजार ७७० रुपियाँ कायम रहेको जनाएको छ । 

आइतबार छापावाल सुन प्रतितोला तीन लाख पाँच हजार २०० र चाँदीको मूल्य चार हजार ७१० रुपियाँ थियो ।