देशकाे माटाे र आमाप्रति समर्पित ‘ताते गर्दै’ गीत सार्वजनिक
इन्भेष्टाेपेपर । फागुन १२, २०८२
काठमाडौँ । देशकाे माटाे र आमाप्रति समर्पित ‘ताते गर्दै’ बोलको गीत काठमाडौँमा एक समारोहबिच सार्वजनिक भएको छ ।
विदेशमा बसेर नेपाली गीत–सङ्गीतलाइ माया गर्ने गायिका नीता आचार्यको स्वर तथा विश्व साइकलयात्री पुष्कर शाहको शब्दमा रहेको यस गीतमा शिशिर योगीले सङ्गीत भर्नुभएको छ ।
यस गीतमा छायांकन प्रताप सिंहले कैद गर्नुभएको छ भने गीतको निर्देशन किरण श्रेष्ठले गर्नुभएको हो । उक्त गीत निता आचार्य यूट्यूब च्यानलमा अपलाेड गरिएकाे छ ।
गायिका आचार्य बिगत ३० वर्षदेखि अमेरिका बस्दै आउनुभएको छ । उहाँका अन्य दर्जनौ गीतले यसअघि पनि नेपाली गीत–सङ्गीत क्षेत्रमा छाप छोडी सकेको छ ।
