जम्मू–काश्मीरका किसानलाई तालिम प्रदान
इन्भेष्टाेपेपर । फागुन २३, २०७७
भारतको जम्मू–काश्मीर प्रशासनले पुलवामा जिल्लामा कृषकहरुलाई माटोको स्वास्थ्य व्याबस्थापन बारे तालिम प्रदान गरेको छ । जम्मू–काश्मीरको कृषी कल्याण सेवा विभागले कृषकहरुलाई माटो र भूमीको सदुपयोग र संरक्षणको महत्वबारे तालिम प्रदान गरेको हो ।
कृषि विज्ञहरुले माटोको स्वास्थ्य अति महत्वको बिषय भएको भन्दै सहि मलखाद प्रयोग गर्न कृषकहरुलाई तालिम दिएका छन् । प्रत्येक कृषकले आफ्नो भूमी र माटोको अबस्थाबारे थाहा पाउन् भनेर पुलवामा क्षेत्रमा रहेका करिब एक हजार परिवारलाई माटोको स्वास्थ्य पत्र प्रदान गरिने पुलवामास्थित कृषि अधिकारी मोहम्मद कसिमले बताए । त्यही अनुसार कृषकले मलखाद प्रयोग गर्न सक्नेछन् ।
यो तालिम कार्यक्रमले उत्पादनको मात्रा र गुणस्तर सुधार गर्ने कृषकहरुले विश्वास व्याक्त गरे । उत्पादन र गुणस्तर बढाउन माटोलाई वैज्ञानिक तरिकाले उपयोग गर्नेबारे तालिम कार्यक्रमले सिकाएको कृषकहरुले बताएका छन् ।
