नेपालका लागि नयाँ भारतीय राजदूतमा विनयमोहन क्वात्रा नियुक्त
Investopaper, माघ ०१, २०७६
काठमाडौं । नेपालका लागि भारतीय राजदूत मञ्जिभसिंह पुरीकाे तीन वर्षे कार्यकाल समाप्तीपछि भारतले नेपालको लागि नयाँ राजदूतमा विनयमोहन क्वात्रालाई नियुक्त गरेको छ ।
राजदूत मञ्जिभसिंह पुरीकाे तीन वर्षे कार्यकाल गत डिसेम्वरमा सकिएको थियो ।
विनय मोहन यसअघि सन् २०१७ अगस्टसम्म फ्रान्सको राजदूत थिए । उनले भारतीय विदेश मन्त्रालय र प्रधानमन्त्री कार्यालयमा सह–सचिवका रूपमा समेत काम गरिसकेका छन् ।
भारतकाे लागि राष्ट्रसंघ लगायत विभिन्न देशमा काम गरिसकेका विनयमाेहन अनुभवी कूटनीतिज्ञको रूपमा चिनिन्छन् । क्वात्रा फेब्रुअरीको पहिलो साता काठमाडौं आइपुग्ने भारतीय संचार माध्यमले जनाएकाछन् ।
— एजेन्सी
