समृद्धिका निम्ति सबै नेपाली एक ढिक्का हुनुपर्छः पूर्वप्रधानमन्त्री खनाल

इन्भेष्टाेपेपर । पुस २७, २०८१

काठमाडौं ।  पूर्वप्रधानमन्त्री झलनाथ खनालले मुलुकको भौगोलिक अखण्डता, शान्ति, अग्रगति र समृद्धिका निम्ति सबै नेपाली एक ढिक्का हुनुपर्नेमा जोड दिनुभएको छ ।

पृथ्वीनारायण शाहको ३०३औँ जन्मजयन्ती तथा राष्ट्रिय एकता दिवसका अवसरमा शुभकामना दिँदै उहाँले मुलुकको स्वतन्त्रता र राष्ट्रियतालाई थप सुदृढ गर्न सकिने धारणा राख्नुभयो ।

नेता खनालले एकीकरणका योद्धाहरूले आनुधिक नेपाल निर्माणमा पुर्‍याउनुभएको योगदानका स्मरण समेत गर्नुभयो । देश तथा विदेशमा रहेका सम्पूर्ण नेपालीको सुस्वास्थ्य तथा सुख शान्तिको कामना गर्दै उहाँले स–साना राज्यहरूलाई एकीकरण गर्ने हाम्रा वीर पुर्खाहरूको साहस, पराक्रम र दूरदर्शिताको परिणाम स्वरूप नेपाल आज एक स्वाधिन, अखण्ड र सार्वभौम मुलुकका रूपमा तथा बहुजातीय, बहुभाषिक, बहुसांस्कृतिक र बहुधार्मिक राष्ट्रका रूपमा विश्वमा परिचित रहेको विचार व्यक्त गर्नुभयो ।  (रासस)