विष्फोटक ब्याट्सम्यान क्रिस गेलले अागामी विश्वकपपछि सन्यास लिने

क्रिकेट जगतमा विश्वका विष्फोटक ब्याट्सम्यानका रुपले परिचित वेष्ट इन्डिजका क्रिकेट खेलाडी क्रिस गेलले विश्वकपपछि सन्यास लिने घोषणा गरेका छन् ।

३९ वर्षीय गेलले यसै वर्ष इंग्ल्यान्ड र वेल्समा हुने एकदिवसीय विश्वकप क्रिकेटपछि सन्यास लिने घोषणा गरेको बीबीसीले जानकारी दिएको छ । विश्वकप २०१९ को मे ३० देखि जुलाई १५ सम्म इंग्ल्यान्ड र वेल्समा हुदैछ ।

एकदिवसीय क्रिकेटमा क्रिस गेलले २८४ म्याचमा २७९ र्इनिंग खेल्दै २३ शतक प्रहार गरेका छन् भने ४९ अर्धशतक बनाएका छन् । उनले एकदिवसीय क्रिकेटमा मात्रै ९७२७ रन बनाएका छन् । सन् २०१५ को विश्वकप क्रिकेटमा उनले दोहोरो शतक प्रहार गरेका थिए । जिम्बाब्वेविरुद्ध बनाएको त्यो २१५ रन नै उनको करिअरको सबैभन्दा उच्च स्कोर हो ।

टेष्ट क्रिकेटमा पनि क्रिस गेलकाे राम्राे प्रदर्शन रहेकाे छ । उनले ४२.१९ काे अाैषतमा ७२१५ रन बनाएका छन । टेष्ट केरियरमा उनकाे ३३३ रनकाे उच्च याेगफल रहेकाे छ ।

अलराउडरको रुपमा परिचित गेलले एक दिवसीय क्रिकेटमा १६५ विकेट समेत लिएका छन् । हालसम्म १९४ एकदिवसीय खेलमा बलिंग गरेका गेलले ५८३१ रन खर्चेका छन भने एकपटक ५ विकेट समेत हात पारेका छन ।