श्रृंगारिक मुक्तकहरु

— हृदय लेकाली (राम बस्नेत)

झण्डै झण्डै जालभित्र पारेकी हुन् परकीले
लुकाउँछु भन्दाभन्दै चाल पाइन् घरकीले
दोष आफ्नै हो कतै नियतिले पारेको हो
अब यस्तो नगर्नु है भनिन् कठै धरतीले ।

तिमी जत्ति नै राम्री हौ प्रिय तर म त कालु भन्छु
भान्सामा सबै परिकारसित मिल्ने आलु भन्छु
तिम्रो बखान मैलेभन्दा अरुले गरेको राम्रो प्रिय
तिमी सधै कठोर बनेनि म त साह्रै दयालु भन्छु।

घर भुलियो आफन्त भुलियो तिमीले भोगी बनायौ
तिमीविना बाँच्नै नसक्ने कस्तो दीर्घ रोगी बनायौ
तिम्रै चाह आकाँक्षामा बिते जीवनका सङ्कल्प
सबै कुरा पाएपछि एक्लो फिरन्ते जोगी बनायौ।

Share This Via:

Investopaper

Investopaper is a financial website which provides news, articles, data, and reports related to business, finance and economics.

Leave a Reply

Your email address will not be published. Required fields are marked *