एमसीसी उपाध्यक्ष फातिमा सुमार चारदिने भ्रमण सकेर आज फर्कदै
इन्भेष्टोपेपर । भाद्र २७, २०७८
काठमाडौं । नेपालको चारदिने भ्रमण सकेर अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) का उपाध्यक्ष फातिमा सुमारको टोली आज फकिर्ने भएको छ ।
गत बिहीबार नेपाल आएको एमसीसी टोलीले नेपालमा रहँदा प्रधानमन्त्री शेरबहादुर देउवासहित प्रमुख राजनीतिक दलका नेताहरूसँग भेटघाट गरेको थियो । प्रमुख प्रतिपक्ष दल नेकपा (एमाले) का अध्यक्षसंग पहिलाे भेटघाट भएकाे थियाे भने त्यसपछि अन्य दलका नेताहरूसंग पनि पालैपालाे भेटघाट भएकाे थियाे ।
सुमार सहितकाे टाेलीले अर्थमन्त्री लगायत अन्य मन्त्रीहरसंग पनि छुट्टाछुट्टै भेटघाट गरेकाे थियाे । टोलीले नेपाल सरकारलाई एमसीसी सहयोग चाहिने नचाहिने टुंगो लगाउन आग्रह गरेको छ ।
सरकारले भने राजनीतिक सहमति जुटाएर सम्झौतालाई कार्यान्वयनमा लैजाने आश्वासन दिएको छ । सडकमा एमसीसीकाे विराधमा चर्काे नारावाजी भैरहेकाे छ भने सत्तारुढ दलभित्रै एसीसीबारे तीव्र मतभेद रहेकाले अमेरिकी टोलीको भ्रमण उपलब्धिबिहिन देखिएको छ ।
